tabşyrmak

işlik

1) Bir işi ýerine ýetirmegi birine buýurmak, biriniň üstüne ýüklemek.

∙ Doktor özüniň kömekçisine nämedir bir zatlar getirmegi tabşyrdy. (B. Pürliýew, Ilkinji gün)

2) Bir zady birine bermek, gowşurmak.

∙ Ýüň tabşyrmagyň plany artygy bilen ýerine ýetirildi. («Kolhoz Günleri»)

3) Synagdan geçmek, ekzamen bermek.

∙ Oraz rus dilini tabşyrdy.

4) Birine bir zady nesihat etmek, wesýet etmek, nygtap aýtmak.

∙ Janlarym, illäp-günläp, kel gyzy äre beren ýaly, muny-da bir sana geçireliň -- diýip, Aknabat eje tabşyrdy. (A. Durdyýew, Saýlanan eserler)

∙ Çary Hoşgeldi brigadirleriň hemmesine berk tabşyryň, olar hemişe işleriniň üstünde bolsunlar! (A. Gowşudow, Köpetdagyň eteginde)